Manuel R. Lorenzo: bederatzi hilabete zituela jaio zen Ourensen (Paradisuaren zokondotxo batean). Asmatzailea eta abentura asko eta askoren protagonista eta protagonistakide izan zen, harik eta bederatzi urte zituenean formalagoa izatea erabaki eta gogorki ikasteari ekin arte, Umezain profesionala izate aldera.

Zaletasunak: anitz zaletasun ditu, baina gehienak aitorrezinak. Anbizioak: lurrean sustrai sakonak izango dituen liburua landatzea eta bizitzaren zuhaitzean seme-alabek gogoratuko duten esaldi zorrotz argia idaztea.

Bernardo Erlich (Tucumán, 1963) diseinatzailea eta umorista grafikoa da. Tucumanen bizi da, eta han jarduten du lanean; horrezaz gainera, irakaslea ere bada ‘Santo Tomas Akinokoa’ Iparreko Unibertsitatean, Diseinu Grafikoari dagokion Lizentziaturan.

1990. urtean gomendio-saria irabazi zuen Coca Cola Bienalean, Arte eta Zientzia arloan; epaimahaia Quinok, Caloik eta Jorge Guinzburg-ek osatzen zuten.

Umore grafikoaren alorrean egin dituen lanak Erlichen web orrialdean daude ikusgai.

Horrezaz gainera, material grafikoa eta idatzizko testuak ere argitaratu ditu ‘La Semana de Tucumán’ izeneko astekarian eta ‘Página12’ Egunkariaren ‘Sátira/12’ gehigarrian; era berean, bakarkako eta taldekako erakusketak ere aurkeztu ditu, Sábat, Rep, Garaycoechea eta Sendrarekin batera, besteak beste, eta duela gutxi Hernán Casciariren “Más respeto que soy tu madre” deritzon eleberrirako irudiak egin ditu.

Interneten, ‘Una mujer Gorda eta tsuvenires  Rudy'rentzat. Weblogerako irudiak egiten ditu. ¡Por Dios!, Jainkotiar Hitzaren bloga eta ¡Mi querido tato!, Tato Boresi egiten dion omenaldia, idazten eta marrazten ditu, eta ‘La Estrella del Norte’ren arduraduna ere bada.